धरान, ‘सुनाखरी एकेडेमी कप’ सुनसरी जिल्ला व्यापी अन्तर विद्यालय स्तरीय फुटबल प्रतियोगिताको क्वाटरफाइनलबाट सुनाखरी रेड र सैनिक आवासीय स्कुल सेमिफाइनलमा पुग्न सफल भएको छ।
आज भएको पहिलो क्वाटरफाइनलमा सुनाखरी रेडले लर्डबुद्ध स्कुललाई २–१ ले पराजित गर्यो। खेलको सुरुवाती हाफमै श्री हाङ्ग लिम्बुले लगातार २० र २८ मिनेटमा दुई गोल गर्दै टोलीलाई अग्रता दिलाएका थिए।
लर्डबुद्धका रिमान्ट कुमार विष्टले २२ मिनेटमा गोल फर्काए पनि खेलको बाँकी समयमा बराबरी खोज्ने प्रयास सफल हुन सकेन। यस्तै, दोस्रो क्वाटरफाइनलमा सैनिक आवासीय स्कुलले प्रभात इङ्गलिस बोर्डिङ स्कुललाई ३–१ ले हराउँदै सहज जित दर्ता गर्यो।
सैनिकका अनमोल झाला दिनकै उत्कृष्ट प्रदर्शनकर्ता बन्दै-२०, ४५ र ६२ मिनेटमा ह्याट्रिक–सम प्ले गर्दै टोलीलाई विजयसम्म पुर्याए। प्रभातका खानुहाङले ३० मिनेटमा एक मात्र गोल गरे।
खेलका म्यान अफ द म्याच सुनाखरी रेडका अनिस गुप्ता र सैनिक आवासीयका कुशल तामाङ घोषित भए।
दुवैले १–१ हजार रुपैयाँ पुरस्कार पाए। उक्त फुटबल प्रतियोगिता मङ्सिर १७ गतेसम्म सञ्चालन हुने आयोजकले जनाएको छ।
प्रतिक्रिया